FLASH
Shkruar nga Pamfleti
Drejtori i CIA-s, William Burns, ka udhëtuar ditën e sotme drejt Dohas për të diskutuar përpjekjet për lirimin e pengjeve në Gaza me kryeministrin e Katarit dhe kreun e agjencisë së inteligjencës izraelite Mossad.
Sipas një zyrtari i cili foli në kushte anonimiteti, tha se Burns u takua me shefin e Mossad-it, David Barnea dhe kryeministrin Sheikh Mohammed bin Abdulrahman Al Thani, raporton AP.
Grupi militant i Hamasit që sundon Gazën po mban atë që zyrtarët vlerësojnë të jenë rreth 240 pengje të kapur në inkursionin vdekjeprurës të Hamasit në Izrael më 7 tetor. Zyrtarët ndërkombëtarë besohet se po ndjekin një marrëveshje në të cilën Hamasi mund të lirojë disa pengje në këmbim të një pauze në sulmet ajrore, tokësore dhe detare të Izraelit në Gaza.
Katari është një ndërmjetës i shpeshtë në marrëdhëniet ndërkombëtare me Hamasin dhe disa liderë të lartë politikë të Hamasit e bëjnë shtëpinë e tyre në vendin e Gjirit. Zyrtari amerikan theksoi se Burns nuk po luante një rol udhëheqës në negociata.
Lini një Përgjigje