FLASH
Shkruar nga Pamfleti
Departamenti i Shtetit tha se Shtetet e Bashkuara “dënojnë pa mëdyshje” sulmin me raketa ruse në qytetin ukrainas të Kramatorsk të martën ku mbetën të vrarë 11 persona.
Zëdhënësi Kryesor Vedant Patel, tha se ky sulm tregoi brutalitetin me të cilin Putin po lufton në Ukrainë, duke sulmuar zonat e banuara me civilë.
“SHBA dënon pa mëdyshje shënjestrimin e civilëve dhe ofron ngushëllimet tona të sinqerta për ata që humbën në këtë sulm të fundit në qendër të qytetit. Ne jemi të tmerruar nga kjo, por për fat të keq nuk habitemi nga sjellja e Rusisë. Ky është një shembull tjetër i përshkallëzimit të vazhdueshëm të Rusisë dhe brutaliteti absolut i luftës së saj të agresionit në Ukrainë.
Ndërsa të tjerët janë të përqendruar në ndjekjen e një mënyre për t’i dhënë fund kësaj lufte, Rusia po ndërmerr sërish sulme, duke dërguar drone dhe raketa në zonat e banuara të një vendi fqinj”, tha Patel.
Lini një Përgjigje