FLASH
Shkruar nga Pamfleti
Kancelari gjerman Olaf Scholz, gjatë një ceremonie në qytetin gjerman Dessau-Rosslau, ku u rihap një sinagogë, 85 vjet pasi u shkatërrua nga nazistët, deklaroi se do të ketë zero tolerancë për antisemitizmin në Gjermani.
Scholz tha se Gjermania do të mbrojë jetën e hebrenjve, duke shprehur tronditjen e tij për përhapjen e antisemitizmit e cila sipas tij është në të gjithë botën dhe për turp, edhe në Gjermani.
“Një sërë incidentesh antisemite janë rregjistruar në Gjermani që nga sulmet dhe fushata hakmarrëse e bombardimeve të Izraelit. Shtëpitë hebraike në Berlin janë shënuar me Yllin e Davidit dhe sulmuesit javën e kaluar hodhën dy kokteje molotov në një sinagogë hebreje në qytet.
Nuk duhet të mbyllen sytë “kur hebrenjtë nuk janë të sigurt në rrugët e Gjermanisë, kur yjet e Davidit vulosen në shtëpi, kur bombat e zjarrit hidhen në sinagoga”, tha Scholz.
Lini një Përgjigje