FLASH
Shkruar nga Pamfleti
Moti i keq po shkakton kaos në Genova të Italisë. Reshtje intensive kanë goditur zonën portuale duke shkaktuar rrëshqitje dherash dhe rrëzimin e disa kontenjerëve. Fatmirësisht, nuk raportohet për persona të lënduar.
Në lagjen Sestri Ponente, stuhia ka shkaktuar problematika edhe në aeroport: erërat e forta kanë hequr çatinë nga një depoje.
Në Valpolcevera, pas rreshjeve të dendura lumi Fegino ka dalë nga shtrati, duke aktivizuar menjëherë planin e alarmit. Në vendngjarje janë angazhuar Mbrojtja Civile, zjarrfikësit dhe policia lokale.
Shirat e fortë që kanë përfshirë rajonin që nga nata kanë sjellë përmbytje në Genova: janë përmbytur disa nënkalime, si ai i Brin-it, via Milano dhe via Perlasca. Në perëndim, në rrugën Aurelia drejt Arenzanos, lëvizja është ndërprerë herë pas here për shkak të një rrëshqitjeje dherash në zonën e tunelit të Pizzo-s.
Një kamion i rëndë që po kalonte në autostradën A10 është përplasur dhe është bllokuar, duke ndalur trafikun në korsitë drejt Genovas. Deri tani, pjesa e autostradës është mbyllur për riparime, me shpresën e rihapjes në orët e para të pasdites.
Lini një Përgjigje