FLASH
Shkruar nga Pamfleti
Pluhuri i shkretëtirës së Saharasë zbeh qytetin e Lombardisë dhe Milanos
Pluhuri i shkretëtirës së Saharës, i ardhur drejt Italisë nga erërat që vijnë nga Afrika e Veriut, ka arritur në Lombardi dhe Milano ditën e shtunë, më 30 mars. Në imazhet e kapura nga Sesto San Giovanni, horizonti i qytetit është i zbehur nga një lloj pluhuri i verdhë.
Këtë të diel, edhe vendi ynë do të ndikohet nga kushte të qëndrueshme atmosferike për shkak të masave ajrore të ngrohta me origjinë jugore si pasojë e depërtimit të pazakontë për periudhën që ndodhemi të Anticiklonit Afrikan.
Moti parashikohet i kthjellët në të gjithë territorin e vranësira të pakta kalimtare kryesisht të larta dhe transparente. Vlen për t’u theksuar se temperaturat në vlerat e mesditës pritet të kapin vlera deri në 30 gradë celcius, vlera këto anormale dhe rreth 7-8 gradë më të larta se mesatarja klimatike mujore për vendin tonë.
Sot pritet afrimi gradual nga Evropa perëndimore e një qëndre të thellë të presionit të ulët e cila duke kaluar mbi Afrikën e Veriut do të transportojë mbi Evropë kryesisht juglindore sasi të larta të pluhurit (me origjinë nga rëra e shkretëtirës së Saharas-ë). Kombinuar më temperaturat e larta kjo situatë do të krijojë ndjesinë e ajrit “mbytës”, ndonëse kjo situatë është përsëritur shpesh herë edhe në të kaluarën mbi vendin dhe nuk është një fenomen i ri.
Lini një Përgjigje