FLASH
Shkruar nga Pamfleti
Kremlini ka hedhur poshtë të gjitha pretendimet dhe thashethemet se presidenti rus, Vladimir Putin përdor sozitë e tij për daljet publike dhe takimet në zonat e luftës.
Zëdhënësi, Dmitry Peskov hodhi poshtë gjithashtu thashethemet se lideri 70-vjeçar shpenzon pjesën më të madhe të kohës duke u mbrojtur në një bunker bërthamor.
"Ju ndoshta keni dëgjuar se ai [Putini] ka shumë sozi që punojnë në vend të tij ndërsa ai ulet në një bunker, por kjo është një gënjeshtër. Ju e shihni vetë se si është presidenti ynë: ai gjithmonë ka qenë dhe është mega-aktiv - ata që punojnë pranë tij vështirë se mund të mbajnë të njëjtin ritëm me të. Sigurisht, ai nuk ulet në asnjë bunker. Edhe kjo është një gënjeshtër", tha Peskov.
Kremlini e ka konsideruar gjithashtu të nevojshme të hedhë poshtë në mënyrë të përsëritur spekulimet se Putin është i sëmurë gjatë viteve të fundit.
Lini një Përgjigje