FLASH
Shkruar nga Pamfleti
Një mjek anestezist në Spitalin e Tetovës, është vënë në pranga nga polica vendase pasi kishte xhiruar një video nga Reparti i Gjinekologjisë, të cilën më pas e kishte postuar në rrjetin social, TikTok.
Bëhet me dije se arrestimi i mjekut është bërë pas një denoncimi nga drejtori i Spitalit klinik të Tetovës, Pëllumb Vela.
Vela e ka cilësuar publikimin e videos si “të papranueshme”.
“Ky veprim për ne është i pakuptueshëm. Dënojmë çdo sjellje joprofesionale të stafit mjekësor ndaj pacientëve”, ka thënë për TV21, drejtori i spitalit.
Sipas njoftimit të Ministrisë së Punëve të Brendshme e Maqedonisë së Veriut, anesteziologu (V.D) 43-vjeç, është ndaluar në fshatin Odër të Tetovës.
“Për rastin është njoftuar prokurori publik, dhe pas dokumentimit të tij do të merren masa adekuate”, thuhet në njoftimin e Policisë.
Lini një Përgjigje