FLASH
Shkruar nga Pamfleti
Autoritetet kolumbiane dhe italiane arrestuan dy trafikantë të mëdhenj kokaine të lidhur me Camorra, një nga organizatat më të fuqishme mafioze të Italisë.
I kërkuari i parë u arrestua në Medellín, Kolumbi më 8 tetor. Ai ishte në kërkim për vite me radhë, ndërsa Italia e kërkonte për rolin e tij në drejtimin e operacioneve ndërkombëtare të trafikut të drogës që përfshinin Amerikën e Jugut dhe Evropën.
I kërkuari i dytë, Luigi Belvedere, u arrestua më 24 tetor, gjithashtu në Medellín. I ndodhur në arrati që prej dhjetorit 2020, ai ishte në listën e Ministrisë së Brendshme italiane të të arratisurve të rrezikshëm. Ai ishte dënuar me 18 burg për trafik droge. Luigi Belvedere, një nga njerëzit më të kërkuar të Italisë, u gjurmua në qytetin e Medellín, ku ishte vendosur karteli i bosit famëkeq të drogës Pablo Escobar.
Policia italiane publikoi një imazh të Belvedere duke pozuar pranë varrit të Escobar kur njoftoi arrestimin e tij.
Të dyshuarit ishin të përfshirë në një organizatë të gjerë të trafikut të drogës nga Amerika e Jugut në Evropë.
Rrjeti kriminal ishte i specializuar në kontrabandën e sasive të mëdha të kokainës duke fshehur drogën në ngarkesat detare, shpesh me ndihmën e kompanive frontale, veçanërisht në sektorin e frutave.
Lini një Përgjigje