FLASH
Shkruar nga Pamfleti
Kryeministri grek Kyriakos Mitsotakis ka zhvilluar dje në mbrëmje një bisedë telefonike me presidentin e sapozgjedhur të SHBA-ve, Donald Trump.
Zyra e shtypit në qeverinë greke informon opinionin se diseda mes dy liderëve zgjati rreth 10 minuta dhe u zhvillua 6 ditë pasi republikani Trump fitoi zgjedhjet presidenciale.
Sipas burimeve qeveritare, gjatë bisedës, kryeministri grek nënvizoi rëndësinë e partneritetit strategjik greko-amerikan për stabilitetin dhe sigurinë mes dy vendeve.
Më tej Mitsotakis theksoi se pret një bashkëpunim të ngushtë me administratën e re amerikane për çështjet dypalëshe me interes rajonal dhe ndërkombëtar.
Sakaq zbulohet se Mitsotakis i bëri ftesë Donald Trump për të vizituar Greqinë.
Edhe Aleksandar Vuçiç njoftoi se ka zhvilluar një bisedë telefonike me presidentin e zgjedhur të Shteteve të Bashkuara, Donald Trump, telefonatë kjo të cilën kreu i shtetit serb u kujdes që ta përshkruante si “të shkëlqyer”.
“Sapo përfundova një bisedë me presidentin e sapozgjedhur amerikan, Donald Trump. Biseda ishte do të thosha shumë e përzemërt”, u shpreh Vuçic në Instagram.
“Përcolla shpresën time që ai të vizitojë Serbinë, pasi Serbia ishte vendi ku mbështetja për zgjedhjen e presidentit Trump ishte më e madhja në gjithë Europën”, tha Vuçiç, që pretendon më tej se Trump nga ana e tij e ka falënderuar për “mbështetjen e madhe” që ka marrë nga “qytetarët e Serbisë, nga populli serb, dhe besoj se në periudhën e ardhshme do të kemi mundësi të flasim për përmirësimin e mëtejshëm të marrëdhënieve tona, në të gjitha fushat”.
Lini një Përgjigje