FLASH
Shkruar nga Pamfleti
Drejtori i CIA-s, John Ratcliffe ka zhvilluar një takim në Karakas me Delcy Rodríguez, presidenten e përkohshme të Venezuelës.
Ky është një mesazh se Donald Trump se e sheh qeverinë e përkohshme si rrugën më të mirë drejt stabilitetit afatshkurtër në vend.
Sipas CNN, gjatë takimit Ratcliffe diskutoi me Rodríguez fusha të mundshme të bashkëpunimit ekonomik, duke theksuar njëkohësisht se Venezuela nuk mund të vazhdojë të shërbejë si strehë për kundërshtarët e Shteteve të Bashkuara, me theks të veçantë te rrjetet e trafikut të drogës.
Siç deklaroi një zyrtar amerikan, ky kontakt kishte për qëllim rritjen e besimit reciprok dhe pasqyron vullnetin e Ratcliffe që CIA të veprojë me më pak hezitim.
Takimi u zhvillua në një periudhë kur Donald Trump duket se po forcon kontrollin e Uashingtonit mbi Venezuelën, veçanërisht në sektorin e prodhimit të naftës.
Trump ka deklaruar se Shtetet e Bashkuara do ta “menaxhojnë në thelb” vendin, pas arrestimit të Nicolás Maduro-s më herët gjatë këtij muaji.
Lini një Përgjigje