FLASH
Shkruar nga Pamfleti
Autoritetet australiane mbeten në gatishmëri pas sulmit terrorist në Bondi Beach, i cili la 16 persona të vdekur, përfshirë një nga dy personat e armatosur.
Ndërkohë, policia njoftoi se ka parandaluar në minutën e fundit një tjetër “sulm” të mundshëm. Sipas mediave lokale, policia ndërhyri pas marrjes së informacioneve të besueshme, duke bastisur një automjet në të cilin ndodheshin disa persona që dyshohet se po planifikonin akte dhune në plazhin Bondi.
Mësohet se gjatë operacionit u arrestuan shtatë persona. Pamjet filmike të publikuara tregojnë oficerë të njësive kundër terrorizmit, të veshur me uniforma kamuflazh, teksa prangosin të dyshuarit, që besohet se ishin nisur drejt plazhit të famshëm.
Raportohet se policia përdori një automjet tip Land Cruiser për t’u përplasur me një Hyundai të bardhë që transportonte disa prej të arrestuarve.
Personat e dyshuar u neutralizuan dhe u arrestuan në një kryqëzim në qytetin e Liverpoolit, ku u panë të shtrirë në tokë me pranga. Mediat raportojnë se Policia e Uellsit të Ri Jugor kishte marrë informacion se këta individë po planifikonin të shkonin në Bondi Beach pas një udhëtimi nga Melbourne.
Heavily-armed police have reportedly detained seven men understood to be on their way to Bondi Beach, after intelligence suggested a “violent act” was possibly being planned pic.twitter.com/zJF5L40bH4
— Super Shane (@SuperShane8) December 18, 2025
Lini një Përgjigje