FLASH
Shkruar nga Pamfleti
Kryeministri hungarez Viktor Orban tha se nuk ka frikë të humbasë zgjedhjet e ardhshme, pasi përballet me një sfidë të rrallë ndaj kontrollit të tij prej dy dekadash në pushtet në Budapest.
Sondazhet tregojnë se partia Fidesz e Orban-it, i cili ka shërbyer si kryeministër për gati 20 vjet dhe pa ndërprerje për 15 vitet e fundit, është pas Partisë opozitare Tisza të Hungarisë, të udhëhequr nga Péter Magyar.
Në një intervistë me Mathias Döpfner, drejtor ekzekutiv i grupit mediatik gjerman Axel Springer, Orban tha se kishte “praktikë” në opozitë dhe nuk ishte i shqetësuar për mbijetesën e tij politike, në përgjigje të një pyetjeje nëse do ta pranonte rezultatin nëse do të humbiste.
Magyar po fiton terren të lartë në sondazhe për shkak të premtimeve për të çrrënjosur korrupsionin dhe për të rigjallëruar ekonominë në stanjacion të Hungarisë. Zgjedhjet do të zhvillohen në pranverë, me shumë mundësi në prill.
“Unë nuk jam vetëm mbajtësi i rekordit për të qenë kryeministër, por jam edhe mbajtës i rekordit për të qenë udhëheqës i opozitës”, tha Orban, duke shtuar “kam një përvojë, kam kaluar 16 vjet në politikë si udhëheqës i opozitës, mos kini frikë. Unë di si të vazhdoj”.
Sundimi 15-vjeçar i Orban-it e ka parë Budapestin të kritikohet për kthim prapa në demokraci dhe sundim të ligjit, me kryeministrin populist-nacionalist që përplaset shpesh me BE-në në mbështetjen për Ukrainën, të drejtat LGBTQ+ dhe sanksionet ruse.
“Bashkimi Evropian është një rrezik për ne. Ata po na shantazhojn. Ata përpiqen të na mbytin ekonomikisht dhe financiarisht”, tha ai.
Orban argumentoi se “kundërshtari i tij kryesor” në zgjedhje nuk është Magyar, por Brukseli.
“Brukseli do të donte të ndryshonte qeverinë në Hungari. Ata do të donin një qeveri këtu në Hungari, siç kanë bërë në Poloni, e cila po ndjek udhëzimet që vijnë nga Brukseli për migracionin, për ekonominë, për luftën”, tha ai, duke shtuar “por unë nuk jam ai njeri.”
Lini një Përgjigje