FLASH
Shkruar nga Pamfleti
Kryeministri ukrainas Denys Shmyhal tha se një kundërofensivë në shkallë të gjerë nga ushtria ukrainase mund të fillojë që në fillim të kësaj vere. Shmyhal tha se autoritetet e Kievit nuk ndjejnë asnjë presion nga partnerët për të nisur kundërofensivën sa më shpejt të jetë e mundur.
“Të gjithë miqtë dhe partnerët tanë e kuptojnë qartë se për të shkuar në kundërsulm, duhet të jesh 100% i përgatitur dhe aq më tepër”, tha ai.
Kundërsulmi ishte planifikuar për të nisur në pranverë, por me sa duket rrjedhja e dokumeteve sekrete të SHBA ka zbuluar dhe prishur planet e një kundërsulmi të befasishëm.
Rrjedhja e dokumenteve u duk se do të ndikonte në marrëdhëniet e dy vendeve por ministri i Jashtëm ukrainas, Dmytro Kuleba tha se pati një telefonatë me Sekretarin Amerikan të Shtetit, Antony Blinken , gjatë së cilës ky i fundit ripohoi mbështetjen e palëkundur të Shteteve të Bashkuara për Ukrainën.
“Shefi i diplomacisë së Uashingtonit kundërshtoi me forcë çdo përpjekje për të vënë në pikëpyetje aftësinë e Ukrainës për të fituar në fushën e betejës," tha Kuleba.
Lini një Përgjigje