FLASH
Shkruar nga PamfletiHamasi ka kundërshtuar arritjen e një marrëveshje që nuk çon në një armëpushim të përhershëm dhe një tërheqje të plotë të Izraelit nga Gaza. Një zyrtar i Hamasit, Ghazi Hamad shtoi se një propozim i tillë i cili është aktualisht në diskutim nuk është i pranueshëm.
“Pozicioni i Hamasit është se dokumenti i 2 korrikut është themeli i pranuar nga ndërmjetësit dhe ne nuk pranojmë asnjë marrëveshje që anashkalon çështjen e një armëpushimi të përhershëm dhe një tërheqjeje të plotë. Ajo që ofrohet aktualisht është e pjesshme dhe e pamjaftueshme dhe nuk i plotëson kërkesat e Hamasit”, tha Ghazi Hamad, anëtar i byrosë politike të Hamasit në një deklaratë për CNN.
Shtetet e Bashkuara dhe Izraeli kanë diskutuar ditët e fundit një armëpushim njëmujor në këmbim të lirimit të disa pengjeve, thanë më herët për CNN dy burime të njohura me këtë çështje.
Numri i pengjeve që do të liroheshin sipas propozimit mbetet i rrjedhshëm. Armëpushimi do të ishte më i shkurtër se faza e parë gjashtëjavore që po diskutohej më parë përpara se bisedimet të dështonin.
Kryeministri izraelit Benjamin Netanyahu vazhdon të refuzojë të japë ndonjë garanci konkrete për një rrugë drejt një marrëveshjeje më të madhe për t'i dhënë fund luftës, tha një burim i njohur me bisedimet për CNN këtë javë.
Lini një Përgjigje