FLASH
Shkruar nga Pamfleti
Kryeministri izraelit Benjamin Netanyahu tha se Izraeli nuk ishte gati të pranonte një marrëveshje me çdo kusht për lirimin e pengjeve të mbajtura nga Hamasi.
Komentet erdhën pasi marrëveshja e pengjeve kërcënon të ndajë kabinetin e krahut të djathtë të vendit, duke rrezikuar qeverinë e tij.
"Përpjekjet për lirimin e pengjeve po vazhdojnë në çdo kohë. Siç e theksova edhe në Kabinetin e Sigurisë – ne nuk do të pajtohemi për çdo marrëveshje dhe me çdo kusht”, deklaroi ai.
Javën e kaluar, ministri i Sigurisë Kombëtare i ekstremit të djathtë Itamar Ben-Gvir shkroi në platformën X, dikur Twitter, se "një marrëveshje e pamatur do të sjellë shpërbërjen e qeverisë".
Në një intervistë me Wall Street Journal, Ben-Gvir gjithashtu mbështeti hapur Donald Trump dhe tha se përgjigja e SHBA do të ishte "krejtësisht e ndryshme" nëse ai do të ishte në pushtet.
Pa përmendur drejtpërdrejt zotin Ben-Gvir, Netanyahu e hodhi poshtë komentin, duke thënë se nuk ka nevojë për ndihmë e SHBA dhe ndërkombëtarëve për të mbrojtur interesat e vendi.
"Unë nuk kam nevojë për asnjë ndihmë në lundrimin e marrëdhënieve tona me SHBA-në dhe komunitetin ndërkombëtar, duke mbrojtur me vendosmëri interesat tona kombëtare", tha ai.
Lini një Përgjigje