FLASH
Shkruar nga Pamfleti
Presidenti ukrainas Volodymyr Zelensky ka akuzuar Rusinë se po vazhdon atë që ai e quan “terrori ajror” kundër Ukrainës.
Ai ka deklaruar se "nëse doni bisedime, nuk duhet të godisni njerëzit me raketa balistike". Zelensky shtoi se dëshiron që kjo luftë të marrë fund një orë e më parë.
"Për ta ndalur Rusinë nga sulmet, bota duhet të jetë më e bashkuar dhe më e fortë. Ukraina po lufton për një jetë normale dhe të sigurt, të cilën e meriton, për paqe – të drejtë dhe të qëndrueshme. Ne duam që kjo luftë të përfundojë. Por Rusia nuk e do këtë dhe vazhdon terrorin e saj ajror. Gjatë javës së kaluar, mbi 1,050 dronë sulmues, gati 1,300 bomba dhe më shumë se 20 raketa janë lëshuar kundër Ukrainës për të shkatërruar qytete dhe për të vrarë njerëz", u shpreh Zelensky.
Sipas autoriteteve, dy persona kanë humbur jetën dhe tre të tjerë mbetën të plagosur nga sulmet ruse në rajonin e Donetskut gjatë 24 orëve të fundit, duke shkaktuar shkatërrimin e dhjetëra shtëpive.
Në një përditësim, ata raportojnë gjithashtu se pesë persona janë vrarë në rajonin jugor të Khersonit dhe 13 të tjerë janë plagosur, përfshirë tre oficerë policie që po evakuonin trupin e një 63-vjeçari të vrarë nga një sulm me dron.
Lini një Përgjigje