FLASH
Shkruar nga Pamfleti
Zgjedhjet parlamentare në Gjermani përkuan këtë vit me sezonin e karnavaleve, një periudhë festive e shumëpritur në disa rajone të vendit, veçanërisht në landet Nordrhein-Westfalen, Rheinland-Pfalz dhe Baden-Württemberg.
Për shkak të kësaj përputhjeje, në shumë qendra votimiqytetarët shkuan për të hedhur votën e tyre të veshur me kostume shumëngjyrëshe dhe maskat tradicionale të karnavaleve, sepse pas votimit ata shkonin për të marrë pjesë në aktivitete të ndryshme për karnavalet.
Atmosferë festive në proces zgjedhor
Në qytete si Këlni, Dyseldorfiapo Mainci, ku karnavalet janë pjesë e rëndësishme e kulturës lokale, votuesit shkuan në qendrat e votimit të veshur si klounë, kalorës mesjetarë apo personazhe fantastike, duke sjellë një atmosferë festive edhe në procesin zgjedhor.
Disa qendra votimi ishin zbukuruar me ngjyrat festive të karnavaleve dhe madje shpeshherë zbukurime dhe aksesorë karnavalesh mbanin edhe vëzhguesit dhe punonjësit e administratës zgjedhore.
Por megjithë atmosferën e gëzueshme procesi i votimit u zhvillua në mënyrë të rregullt dhe pa probleme. Autoritetet gjermane theksuan rëndësinë e pjesëmarrjes në zgjedhje, duke nënvizuar se festimi i karnavale dhe demokracia mund të bashkëjetojnë, duke bërë që dita e votimit të ketë një frymë të veçantë këtë vit./DW
Lini një Përgjigje