FLASH
Shkruar nga Pamfleti
Aeroplani bombardues strategjik rus Tu-95MS me aftësi bërthamore kreu një fluturim rutinë patrullimi mbi ujërat neutrale mbi Detin e Japonisë, sipas një raportimi nga mediat ruse.
Agjencia shtetërore e lajmeve RIA e Rusisë citoi ministrinë e mbrojtjes të Rusisë të ketë thënë se avionë luftarakë nga vende të huaja shoqëruan bombarduesit në faza të ndryshme të fluturimit të planifikuar 11-orësh.
Ky veprim nga ana e Moskës vjen pasi Lituania, një anëtare e NATO-s, akuzoi Rusinë për shkelje të hapësirës së saj ajrore me dy avionë ushtarakë dje.
Ministria e mbrojtjes e Rusisë i mohoi në mënyrë indirekte pretendimet e Lituanisë kur më vonë tha se avionët e saj luftarakë kryen një "fluturim stërvitor" mbi rajonin e Kaliningradit të Rusisë dhe nuk shkelën kufijtë e asnjë vendi tjetër.
Lini një Përgjigje