FLASH
Shkruar nga Pamfleti
Presidenti rus, Vladimir Putin emëroi diplomatin e lartë Alexander Dartsiev si ambasador në Shtetet e Bashkuara, për të forcuar marrëdhëniet mes dy vendeve.
Ministria e Jashtme ruse tha javën e kaluar se Washingtoni kishte dhënë dritën jeshile, në një takim midis zyrtarëve rusë dhe amerikanë në Turqi, për emërimin e Dartsiev, i cili aktualisht drejton Drejtorinë e Amerikës së Veriut të Ministrisë së Jashtme.
Moska dhe Uashingtoni janë përfshirë në një seri mosmarrëveshjesh diplomatike mbi personelin dhe pronën e ambasadës në vitet e fundit që, sipas Rusisë, kanë tensionuar marrëdhëniet.
Rusia nuk ka pasur një ambasador në Washington që nga tetori i kaluar, kur i dërguari i mëparshëm, Anatoly Antonov, la postin e tij.
Dartsiev, 64 vjeç, ka shërbyer dy herë në ambasadën ruse në Uashington dhe ka qenë ambasador në Kanada nga viti 2014 deri në vitin 2021.
Lini një Përgjigje