FLASH
Shkruar nga Pamfleti
Ministria e Jashtme e Rusisë ka njoftuar sot dëbimin e një diplomati gjerman, në përgjigje të asaj që Kremlini e quajti, si dëbimi i pabazuar nga Berlini i një diplomati rus të akuzuar për spiunazh në janar.
Ministria theksoi në një deklaratë se akuzat e Gjermanisë, se diplomati rus ishte përfshirë në spiunazh ishin të sajuara dhe një provokim.
“Dëbimi i një diplomati gjerman nga Rusia është krejtësisht i pabazuar dhe krejtësisht i papranueshëm”, tha ministri i jashtëm gjerman Johann Wadephul, duke shtuar se Rusia po përdorte masa hakmarrëse të pajustifikuara në vend të diplomacisë.
Duke folur gjatë një udhëtimi në Brunei, Wadephul tha se diplomati në fjalë ishte anëtar i stafit të atasheut ushtarak në Ambasadën Gjermane në Moskë.
"Ne rezervojmë të drejtën për të ndërmarrë veprime të mëtejshme", shtoi ai.
Shërbimet e sigurisë në të gjithë Evropën kanë paralajmëruar për një kërcënim në rritje nga agjencitë ruse të inteligjencës që kërkojnë të pengojnë fuqitë perëndimore të mbështesin Ukrainën.
Lini një Përgjigje