FLASH
Shkruar nga Pamfleti
Një operacion kërkim - shpëtimi është duke u zhvilluar për të gjetur tre persona të zhdukur pas shpëtimit të 42 emigrantëve që ndodheshin në bordin e një varke 27 milje detare në jugperëndim të Kretës.
Emigrantët thirrën për ndihmë qendrën italiane të kërkim-shpëtimit, duke thënë se ishin në një pozitë të vështirë. Roma njoftoi autoritetet greke për ngjarjen/
Sipas autoritetit portual, 39 të huaj u morën nga një anije aty pranë dhe u transferuan në Paleochora, Chania, një u mor nga një anije tjetër dhe u transferua me helikopter në aeroportin e Soudës, ndërsa dy të tjerë të vendosur në një zonë detare 27 milje detare në jugperëndim të Kretës, u morën nga një helikopter i marinës dhe u dërguan gjithashtu në aeroportin e Soudës.
Sipas dëshmive të pasagjerëve, në skaf ndodheshin gjithsej 45 të huaj, raportojnë mediat greke.
Në hetim janë përfshirë pesë anije lundruese, një roje shpëtimi i portit dhe një helikopter i Forcave Ajrore.
Lini një Përgjigje