FLASH
Shkruar nga Pamfleti
Marco Rubio iu bashkua presidentit amerikan Donald Trump në vizitën zyrtare në Kinë, pas një zgjidhjeje të pazakontë të përdorur nga autoritetet kineze për të shmangur pengesat që lidhen me sanksionet ndaj tij.
Sipas raportimeve ndërkombëtare, Pekini ka ndryshuar mënyrën e shkrimit të mbiemrit të Rubios në gjuhën kineze, duke përdorur variantin “Lu”. Ndryshimi ka lejuar që sanksionet e miratuara në vitin 2020 të mbeten formalisht në fuqi për emrin e mëparshëm, ndërsa sekretari amerikan të mund të zhvillojë vizita zyrtare në Kinë.
Karakteri i përdorur në versionin e ri të emrit ka ngjallur reagime, pasi në disa interpretime lidhet me kuptime si “i pamatur” ose “i ashpër”, shkruan "The Times".
Rubio u vendos nën sanksione nga Kina gjatë kohës kur ishte senator, për shkak të kritikave të tij ndaj politikave të Pekinit në Xinjiang dhe Hong Kong. Ai kishte akuzuar autoritetet kineze për shkelje të të drejtave të njeriut dhe represion ndaj protestuesve pro-demokracisë.
Pas emërimit të tij si sekretar i Shtetit në administratën Trump, autoritetet kineze nisën të përdorin një transliterim tjetër të emrit të tij në dokumente dhe komunikime zyrtare. Diplomatië dhe analistë e kanë interpretuar këtë lëvizje si një mënyrë për të ruajtur sanksionet pa bllokuar kontaktet diplomatike mes dy vendeve.
Gjatë udhëtimit drejt Pekinit, Rubio tërhoqi vëmendje edhe për veshjen sportive Nike që mbante në Air Force One. Në rrjetin social X, drejtori i komunikimit i Shtëpisë së Bardhë, Steven Cheung, publikoi një koment duke e krahasuar atë me një veshje të ngjashme të përdorur më herët nga Nicolás Maduro.
Edhe kqe dukej me normalisht vesh këpucët dy numra me te mëdhenj nga qe ja ka falur Trampi. Me shëndet mbiemrin e ri