FLASH
Shkruar nga Pamfleti
Presidenti ukrainas Volodymyr Zelensky ka paralajmëruar se Rusia mund të ndërmarrë sulme masive kundër Ukrainës gjatë periudhës së Krishtlindjeve. Deklarata u bë gjatë një takimi me diplomatë, raportoi 'RBC Ukrainë'.
Sipas Zelenskyt, sinjalet që vijnë nga Moska përbëjnë një përpjekje për frikësim, ndaj së cilës Ukraina do të përgjigjet duke rritur kapacitetet e saj të inteligjencës dhe duke forcuar mbrojtjen ajrore.
Presidenti Zelensky theksoi se autoritetet ukrainase po marrin masa për të mbrojtur popullsinë dhe infrastrukturën kritike, ndërsa u bëri thirrje partnerëve ndërkombëtarë të vazhdojnë mbështetjen për sigurinë e vendit.
Rusia lëshoi dhjetëra raketa dhe më shumë se 600 dronë në sulmin e saj ajror mëngjesin e sotëm në të gjithë Ukrainën, përfshirë kryeqytetin Kiev. Gjatë sulmit mbetën të vrarë të paktën tre persona, përfshirë një fëmijë katërvjeçar.
Lini një Përgjigje