FLASH
Shkruar nga Pamfleti
Dy ditë para përvjetorit të parë të pushtimit rus të Kievit, Papa Françesku ka bërë thirrje për armëpushim dhe negociata. Papa e cilësoi luftën në Ukrainë absurde dhe mizore. Gjatë fjalimit javor që mbajti sot, ai e quajti njëvjetorin e luftës “përvjetor të trishtuar” dhe tha se është afër popullit ukrainas. Papa shtoi se fitorja e vërtetë në Ukrainë nuk mund të ndërtohet mbi rrënoja.
Edhe në fjalimin e tij të Krishtlindjes më 25 dhjetor, Papa kishte bërë thirrje për përfundimin e menjëhershëm të luftës. Papa e ka konsideruar luftën në Ukrainë si “çmenduri”. Vitin e kaluar ai kishte deklaruar se të pafajshmit e paguajnë luftën dhe se tregtarët e armëve që përfitojnë nga lufta janë kriminelë që vrasin njerëzimin.
Presidenti rus, Vladimir Putin, ka urdhëruar pushtimin e Ukrainës më 24 shkurt. Ai e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Lini një Përgjigje