FLASH
Shkruar nga Pamfleti
Parlamenti rus ka vendosur këtë të mërkurë që të pezullojë pjesëmarrjen e Moskës në traktatin e përbashkët të armëve bërthamore me SHBA-të. Zyrtarët rusë u rreshtuan për të fajësuar Shtetet e Bashkuara dhe Perëndimin për prishjen e paktit të fundit bërthamor të mbetur midis Uashingtonit dhe Moskës. Në seancën e sotme, Duma e Shtetit të Rusisë votoi për të miratuar pezullimin e traktatit.
Ndërkohë që Këshilli i Federatës, dhoma e sipërme e parlamentit, do të votojë për të njëjtin propozim pas orës 15:00 me orën lokale në Moskë.
Ish-presidenti i Rusisë Dmitry Medvedev, i cili tani është nënkryetar i Këshillit të Sigurimit të vendit, tha se masa ishte një përgjigje shumë e vonuar ndaj SHBA-së dhe NATO-s që në fakt i shpallën luftë Rusisë.
“Ky vendim na është detyruar nga lufta e shpallur nga Shtetet e Bashkuara dhe vendet e tjera të NATO-s ndaj vendit tonë. Do të ketë një rezonancë të madhe në botë në përgjithësi dhe në Shtetet e Bashkuara në veçanti”, tha Medvedev në Telegram.
Çfarë është traktati i armëve bërthamore?
I ashtuquajturi START-i i Ri, është traktati i vetëm për armët bërthamore në mes të Shteteve të Bashkuara dhe Rusisë, i cili është zgjatur për pesë vjet më 2021.
I nënshkruar fillimisht më 2010, ky traktat ua kufizon palëve posedimin e kokave bërthamore me rreze të gjatë në 1.550, shifër më e vogël sesa ajo që ka qenë në marrëveshjen fillestare.
Lini një Përgjigje