FLASH
Shkruar nga Pamfleti
Në javët e ardhshme, Rheinmetall pritet të hapë një fabrikë për prodhimin e municioneve direkt në Ukrainë, duke lidhur kështu artilerinë ukrainase me NATO-n...
Gjermania dhe shumë shtete të tjera janë alarmuar sot nga zërat për një komplot rus për të vrarë CEO-n e prodhuesit më të madh gjerman të armëve.
Lajmi i raportuar pasditen e djeshme nga CNN, konfirmohet orë pas ore në Gjermani. Ky është përshkallëzimi më i fortë i tensionit mes dy vendeve që nga fillimi i luftës në Ukrainë. Nga sa ka dalë deri tani, sulmi kundër Armin Papperger, CEO i Rheinmettal, ishte në fazat përgatitore.
Rheinmetall, me qendër në Düsseldorf, është prodhuesi i tankeve Leopard, por është gjithashtu kompania që u angazhua për të furnizuar Ukrainën me një milion predha artilerie në fazën më dramatike të konfliktit, kur Kievi u gjend me mungesë municionesh (për shkak të bllokadës së republikanëve të SHBA-së). Kompania është gjithashtu shtylla kryesore e sistemit të mbrojtjes, që Berlini i ka vënë në dispozicion Kievit.
Në javët e ardhshme, Rheinmetall pritet të hapë një fabrikë për prodhimin e municioneve direkt në Ukrainë, duke lidhur kështu artilerinë ukrainase me NATO-n. Kjo e bën atë, në sytë e Kremlinit, një nga asetet më të rëndësishme perëndimore. Edhe planet kryesore gjermane të riarmatimit kalojnë nga kompania Rhineland, marrëse e fondeve të veçanta publike.
Deri më tani dihen pak detaje për vetë sulmin. Sipas CNN, inteligjenca amerikane paralajmëroi shërbimet sekrete gjermane muajt e fundit, të cilat e morë Papperger në mbrojtje. “Financial Times”, e cila ishte ndër të parat që shkroi për të, raportoi se siguria e Papperger është "në nivelin më të lartë" dhe se menaxheri gëzon mbrojtje federale, të ngjashme me atë të kancelarit Olaf Scholz.
Dje pasdite ai ka lëshuar një deklaratë për Financial Times, duke thënë se “ CNN nuk po skanon qiellin”, duke lënë të kuptohet se raportimet në lidhje me të janë të vërteta. Dhe ai e shtroi këtë çështje me një intervistë të gjatë në mbrëmje me Faz, në të cilën ai deklaroi se nuk kishte frikë edhe nëse kjo përfshinte rreziqe personale.
Sërish sipas CNN, Papperger nuk është i vetmi menaxher i shënjestruar nga rusët, por ai ësjtë pjesë e një liste objektivash, së bashku me drejtues të tjerë të lartë evropianë të mbrojtjes.
Aksioni thuhet se u prish muajt e fundit, kur pati disa akte sabotimi dhe arrestimesh në Gjermani. Dy spiunë ruso-gjermanë u arrestuan gjithashtu në Bavari, të akuzuar për përgatitjen e sulmeve kundër infrastrukturës elektrike. Disa ministra, nga ministrja e Brendshme Nancy Faeser te ministrja e Jashtme Annalena Baerbock, denoncuan një "luftë hibride" të kryer nga Moska në territorin gjerman. Një tjetër detaj është me interes. Sipas Spiegel, agjentët rusë hynë në Evropë me qëllimin për të vrarë Papperger. “Të paktën njëri është rus”, thotë Spiegel, gjë që sugjeron se të tjerët nuk janë. Megjithatë, kjo është në përputhje me veprimet e fundit të rusëve në Gjermani, ku agjentët lokalë janë të regjistruar për të kryer aksione pro Kremlinit. Kështu ndodhi edhe për spiunët e arrestuar në Bavari.
Për Moskën, ky lloj veprimi në Gjermani është shumë i lehtë. Janë të paktën tre valë migrimi rus, e para nga të ashtuquajturit ruso-gjermanë, të dëbuar nga Stalini pas përfundimit të Luftës së Dytë Botërore, të cilët u kthyen me fëmijët dhe nipërit e tyre në atdheun e tyre në vitet 1990; pastaj ka nga ata që kanë ardhur për të punuar pas rënies së Murit të Berlinit. Vetëm vala e tretë e refugjatëve, ata që ikën nga lufta në Ukrainë, janë anti-Putinianë dhe Navalnian. Të mëparshmit janë një grup i mundshëm rekrutimi që Rusia e përdor pa shumë skrupuj.
Ndërkohë, Kremlini ka mohuar komplotin për të vrarë Armin Papperger. Siç raporton Tass, sipas zëdhënësit të zyrës presidenciale ruse, Dmitry Peskov, “është shumë e vështirë për ne të komentojmë raportet e mediave të ndryshme të cilat nuk përmbajnë ndonjë argument serioz. E gjithë kjo paraqitet në stilin e një lajmi tjetër të rremë. Është e pamundur të merren seriozisht një lajm i tillë”.
Gjermania është gjetur kohët e fundit në qendër të veprimeve destabilizuese. Rasti më i famshëm është vrasja e Tiergarten, ku një disident çeçen u vra në qendër të Berlinit dhe vrasësi i tij u arrestua pothuajse në flagrancë. Ai është një agjent i GRU, lirimi i të cilit në këmbim të Navalny-t me sa duket po punohej në aksin Berlin-Uashington-Moskë, pikërisht kur kundërshtari më i rëndësishëm i Putinit vdiq, në moshën 47 vjeçare, në qelinë e tij përtej Rrethit Arktik Arktik. /Përshtati 'Pamfleti' nga "Correire Della Sera"
Lini një Përgjigje