FLASH
Shkruar nga Pamfleti
Duke pasur parasysh se grupi Wagner po lëviz me armatime dhe pajisje kryeqytetit, kryebashkiaku i Moskës, Sergei Sobyanin ka njoftuar se masa konkrete po merren për të ruajtur popullsinë civile.
Ai tha se ka mundësi që disa rrugë apo lagje në qytet të mbyllen për qarkullim. Ndërsa njoftoi se e hëna është shpallur ditë pushimi dhe se banorët e Moskës duhet të shmangin çdo udhëtim nëpër qytet, pasi është shpallur një operacion kundër terrorizmit dhe situata “është e vështirë”.
Kujtojmë se me shpalljen e një operacioni kundër-terrorist, autoritet kanë tashmë kompetencë që të kufizojnë lëvizjen e njerëzve, monitorimin ose kufizimin e komunikimit, të kontrollojnë qytetarët dhe automjetet dhe të evakuojnë popullsinë.
Autoritetet njoftuan edhe se rajoni i Moskës ka pezulluar të gjitha ngjarjet masive në natyrë deri më 1 korrik.
Lini një Përgjigje