FLASH
Shkruar nga Pamfleti
Ukraina dhe Rusia kanë shkëmbyer të burgosurit e luftës në një tjetër shkëmbim, të njoftuar nga të dyja palët të martën. Moska tha se kishte mundur të kthente 90 ushtarë nga territori i kontrolluar nga Kievi, ndërsa Ukraina tha se kishte mundur të kthente 130 ushtarë të saj nga të zënë rob nga Rusia.
“Një tjetër shkëmbim i të burgosurve, ne arritëm të sjellim në shtëpi 130 nga njerëzit tanë, 126 burra dhe 4 gra. Shumica e njerëzve që po kthehemi sot janë të plagosur rëndë. Siç thotë presidenti Volodymyr Zelensky, shteti duhet të kujdeset për secilin prej tyre. Secili nga heronjtë tanë duhet të ndjejë se shteti kujdeset për ta”, tha shefi i shtabit të presidentit ukrainas, Andriy Yermak në Telegram të enjten.
Shkëmbimi u konfirmua edhe nga ministria e Mbrojtjes e Rusisë e cila tha gjithashtu se ushtarët të cilët u shkëmbyen ndodheshin në gjendje të rënduar shëndetësore dhe se do të dërgoheshin në Moskë për trajtim.
“Si rezultat i procesit të negociatave, 90 ushtarakë rusë që ishin në rrezik vdekjeprurës janë kthyer nga territori i kontrolluar nga regjimi i Kievit. Aeroplanët e aviacionit të transportit ushtarak të Forcave Ajrore Ruse do të transportojnë ushtarakët e liruar në Moskë për trajtim dhe rehabilitim në institucionet mjekësore të Ministrisë së Mbrojtjes Ruse. Të gjithë të liruarve iu ofrohet ndihma e nevojshme mjekësore dhe psikologjike”, thuhej në një deklaratë të martën.
Lini një Përgjigje