FLASH
Shkruar nga Pamfleti
Lideri serb i Bosnjës, Milorad Dodik, të cilit iu hoq mandati si president i Republikës Sërpska nga Komisioni Qendror i Zgjedhjeve në Bosnjë-Hercegovinë, ka shpallur referendum për pozitën e tij në krye të këtij entiteti.
Pas njoftimit të Komisionit, Dodiku ka mbledhur partnerët e koalicionit. Ai është shprehur se unanimisht kanë vendosur të thërrasin referendum.
“Mandati më është dhënë nga populli, prandaj do t’i dëgjoj në referendum, që do të mbahet në periudhën e ardhshme dhe që do të vendosë për mua”, ka thënë ai.
Më herët, Dodiku reagoi ndaj vendimit duke thënë se nuk e njeh Komisionin.
Vendimi i Komisionit ndaj Dodikut u mor pas dënimit të tij me një vit burg dhe ndalimit për gjashtë vite që ta ushtrojë funksionin e Presidentit, vendim ky që ka ndikuar drejtpërdrejt në legjitimitetin e tij për të vazhduar mandatin.
Lini një Përgjigje