FLASH
Shkruar nga Pamfleti
Irani ka ngritur akuza të forta ndaj Shteteve të Bashkuara, duke vënë në pikëpyetje qëllimet reale të Uashingtonit në negociatat për paqe.
Gjatë një telefonate me ministrin e Jashtëm turk, Hakan Fidan, kreu i diplomacisë iraniane, Abbas Araghchi, deklaroi se veprimet e fundit të SHBA-së po minojnë procesin diplomatik dhe po rrisin tensionet në rajon.
Sipas një njoftimi nga agjencia iraniane e lajmeve ISNA, Araghchi kritikoi lëvizjet amerikane në Gjirin Persik dhe i cilësoi ato si përpjekje për të cenuar armëpushimin.
“Provokimet e fundit nga forcat amerikane në Gjirin Persik dhe veprimet e tyre të shumta që synojnë shkeljen e armëpushimit kanë nxitur dyshime rreth qëllimeve dhe seriozitetit të palës amerikane në procesin diplomatik”, u shpreh ministri iranian.
Kjo deklaratë vjen në një moment tensioni të lartë mes Teheranit dhe Uashingtonit, ndërsa përpjekjet për arritjen e një marrëveshjeje paqeje mbeten ende të pasigurta.
Lini një Përgjigje