FLASH
Shkruar nga Pamfleti
Zëdhënësi i Departamentit të Shtetit, Matthew Miller, deklaroi se qeveria izraelite ende nuk i ka paraqitur Shteteve të Bashkuara një plan humanitar ose ushtarak për Rafah.
Ai shtoi se SHBA e ka bërë të qartë se Izraeli nuk mund të sulmojë Rafahn pa paraqitur një plan të detajuar dhe pa lejuar futjen e ndihmave në Gaza.
“Nuk do të flasë për bisedat që SHBA ka pasur me qeverinë izraelite, por ne e kemi bërë të qartë si në bisedat private dhe publikisht se është gjykimi ynë që ata nuk mund ose nuk duhet të shkojnë në Rafah pa një ndihmë humanitare dhe pa një plan që është i besueshëm”, tha Miller.
Ndërsa kryeministri izraelit Benjamin Netanyahu përsëriti të dielën se ai synon të vazhdojë me një operacion në Rafah , ku më shumë se 1 milion njerëz të zhvendosur kanë ikur.
Presidenti Joe Biden tha në një intervistë për MSNBC të shtunën se një operacion në Rafah "është një vijë e kuqe", por shtoi se ai do të vazhdojë të mbështesë Izraelin.
Administrata Biden aktualisht nuk po parashikon që forcat izraelite të zgjerojnë menjëherë operacionet e tyre ushtarake në Rafah, thanë dy zyrtarë amerikanë për CNN të dielën.
Lini një Përgjigje