FLASH
Shkruar nga Pamfleti
Kreu i Kombeve të Bashkuara bëri thirrje për armëpushim në Gaza dhe për heqjen e të gjitha pengesave për të siguruar dërgimin e ndihmave në enklavë, për nder të muajit të Ramazanit.
“Në frymën e Ramazanit, u bëj thirrje të gjithë atyre që janë të përfshirë në konflikt kudo që të heshtin armët dhe të kthehen në tryezën e paqes. Në frymën e dhembshurisë së Ramazanit”, tha të hënën Sekretari i Përgjithshëm i OKB-së, Antonio Guterres, i cili bëri thirrje gjithashtu për lirimin e menjëhershëm të të gjithë pengjeve në Gaza dhe rinovoi thirrjet për një armëpushim.
E hëna shënon ditën e parë të muajit të shenjtë të Ramazanit për myslimanët në mbarë botën, por vrasjet, bombardimet dhe gjakderdhja vazhdojnë në Gaza.
“U bëj thirrje liderëve politikë, fetarë dhe të komunitetit kudo që të bëjnë gjithçka në fuqinë e tyre për ta bërë këtë periudhë të shenjtë një kohë për ndjeshmëri, veprim dhe paqe”, tha Guterres.
Lini një Përgjigje