FLASH
Shkruar nga Pamfleti
Një zyrtar i lartë izraelit tha për mediat hebraike se ka shumë gjasa që terroristi i vrarë nga IDF të jetë udhëheqësi i Hamasit, Yahya Sinwar.
Disa foto po qarkullojnë në rrjet, ku tregojnë trupin e lideri të Hamasit Yahya Sinwar pasi ushtria izraelite tha se po heton mundësinë që ai të jetë vrarë.
Imazhet e shumta tregojnë liderin e Hamasit të ekzekutuar, mes rrënojave me lëndime të rënda në trup dhe kokë.
Duke krahasuar fotot e mëparshme të Sinwar, duket se ka një ngjashmëri të fytyrës, përfshirë një nishan midis cepit të syrit të tij të majtë, vijës së flokëve, formës së veshëve dhe dhëmbëve të tij.
Vdekja e Sinwar ende nuk është konfirmuar, por Izraeli tha se po kryhen testet e ADN-së për të përcaktuar nëse trupi është i tij.
Izraeli ka mostra të ADN-së së Sinwarit nga periudha e tij në një burg izraelit. Një zyrtar i lartë izraelit tha për mediat hebraike se vlerësimi aktual i institucionit të sigurisë është se ka shumë gjasa që terroristi i vrarë nga IDF të jetë udhëheqësi i Hamasit, Yahya Sinwar.
Ministri i Mbrojtjes Yoav Gallant shkruan në Twitter se: “Ne do të kapim çdo terrorist dhe do t’i eliminojmë”.
Më 17 tetor, gjatë një sulmi në Gaza tre militantë u vranë gjatë operacioneve në Gazë, pa dhënë detaje të tjera. Ushtria njoftoi se identitetet e tre viktimave ende nuk është bërë i ditur.
Sinwari ishte një prej arkitektëve kryesorë të sulmit të Hamasit ndaj Izraelit më 7 tetor 2023, sulm që nxiti luftën në Gazë. Ai u zgjodh udhëheqës i grupit pas vrasjes së Ismael Haniyehut në korrik, në një sulm të dyshuar izraelit në kryeqytetin iranian, Teheran.
Gjatë sulmit të 7 tetorit, Hamasi vrau afër 1.200 persona në jug të Izraelit dhe rrëmbeu afër 250 të tjerë. Si pasojë e ofensivës izraelite, në Gazë janë vrarë më shumë se 42.000 palestinezë.
Kush ishte lideri i Hamasit, Yahya Sinwar?
Udhëheqësi i ri i byrosë politike të Hamasit ishte arkitekti i sulmit të 7 tetorit, sipas Izraelit. Yahya Sinwar ka udhëhequr Hamasin brenda Gazës që nga viti 2017, pasi iu bashkua radhëve të tij në fillim të viteve 1980.
Pas vrasjes së Ismail Haniyeh në Teheran në korrik, Sinwar e pasoi atë si kreu i byrosë politike, duke marrë kontrollin e të gjithë grupit.
Lufta e fundit Izrael-Hamas
Besohet se është arkitekti i sulmeve të 7 tetorit, më i kërkuari i Izraelit - një "i vdekur që ecën" , sipas kryeministrit Benjamin Netanyahu.
Pak më shumë se një vit që nga fillimi i përshkallëzimit më të fundit në rajon, më 17 tetor, forcat e mbrojtjes izraelite (IDF) thanë paraprakisht se po "kontrollonin mundësinë" që një sulm në Gaza të kishte vrarë 61-vjeçarin, pseudonimet e të cilit përfshijnë "fytyra e së keqes", "kasapi i Khan Younis" dhe "njeriu i 12", duke iu referuar 12 informatorëve të dyshuar që ai besohet të ketë vrarë.
Sinwar lindi në një kamp refugjatësh në Khan Younis, në jug të Gazës, në vitin 1962. Ai studioi arabisht në Universitetin Islamik të Gazës, i cili u themelua në vitin 1978 nga dy burra që vazhduan të themelojnë Hamasin pothuajse një dekadë më vonë. Atje ai u afrua veçanërisht me njërin prej tyre, klerikun Sheikh Ahmed Jasin.
Yassin dhe Mahmoud al-Zahar bashkëthemeluan Hamasin në 1987 si një grup i ndarë politik me bazë në Gaza të Vëllazërisë Myslimane.
Sipas raporteve izraelite, Sinwar tha se Yassin i dha atij një fetva (një vendim në ligjin islam) për të vrarë këdo që dyshohej se bashkëpunonte me izraelitët.
Ai u arrestua për herë të parë për aktivitete subversive në vitin 1982. Në burg, ai u takua me anëtarë të tjerë kyç të Hamasit, duke përfshirë Salah Shehade, ish-udhëheqësin e krahut të tij ushtarak të Brigadave Qassam.
Pasi u arrestua dhe u burgos përsëri në 1985, ai u vu në krye të degës së sigurisë së brendshme të Hamasit, Forca Majd, e cila kërkoi dhe vrau spiunë të dyshuar izraelitë.
Dr Ahron Bregman, një ish-major i ushtrisë izraelite, tashmë mësues i lartë në studimet e luftës dhe konfliktin arabo-izraelit në King's College në Londër, tha se: "Izraelitët u përpoqën për shumë vite ta rekrutonin atë si bashkëpunëtor vetë, duke i ofruar stimuj të mëdhenj. Por kjo nuk funksionoi kurrë me Sinwar. Në fakt ai u bë i famshëm për vrasjen e palestinezëve të dyshuar për bashkëpunim”.
Lini një Përgjigje