FLASH
Shkruar nga Pamfleti
Rusia ka nisur një fushatë tjetër rekrutimi pas humbjeve të mëdha që ka pësuar në luftë, sidomos në zona si Bakhmut ku zhvillohet një luftë frontale dhe e pamëshirshme.
Përmes një dekreti të presidentit të Rusisë, Vladimir Putin, të shtunën ka filluar rekrutimi i rregullt pranveror i ushtarëve të rinj. Vladimir Tsimlyansky, admirali i Shtabit të Përgjithshëm, është shprehur se këtë herë janë thirrur 150 mijë nga gjithsej 700 mijë personat që ishin të kualifikuar dhe se kjo fushatë do të zgjasë deri më 15 korrik.
Por, ai ka theksuar se asnjëri nga këta të rekrutuar nuk do të shkonte për të luftuar në vijën e frontit në Ukrainë. Sipas ligjit burrat rusë të moshës nga 18 deri në 27 vjeç duhet ta kryejnë të paktën një vit në shërbim ushtarak.
Tsimlyansky tha të premten se thirrjet nga zyrat ushtarake të distriktit do të dërgoheshin për herë të parë edhe në formë elektronike.
Njoftimet tradicionalisht shpërndaheshin me postë dhe do të vazhdojnë të shpërndahen në ato raste ku dorëzimi elektronik nuk është i mundur. Në 13 muaj që kur presidenti rus, Vladimir Putin, nisi luftën në Ukrainë, forcat ruse kanë pësuar viktima në përmasa “katastrofale”. Sipas vlerësimeve të fundit të Departamentit amerikan të Shtetit, numri i ushtarëve të vrarë apo të plagosur është afër 200.000.
Lini një Përgjigje