FLASH
Shkruar nga Pamfleti
Anëtari i kabinetit të luftës izraelite Benny Gantz dha dorëheqjen nga qeveria emergjente e Izraelit të dielën, pasi një plan i pasluftës për enklavën palestineze nuk u realizua.
Dorëheqja e Gantz vjen në mes të dënimit global të numrit të viktimave civile palestineze në luftën në Gaza që ka grumbulluar presion të brendshëm dhe ndërkombëtar ndaj Netanyahut.
Gantz njoftoi dorëheqjen e tij në një dalje mediatike ditën e sotme. Në maj, Gantz kërkoi që Netanyahu të pajtohej me një plan për luftën në Gaza dhe kërcënoi se do të tërhiqte partinë e tij të Unitetit Kombëtar nga koalicioni, duke I lënë afat vendimmarrjeje deri më 8 qershor.
Netanyahu humbi afatin e Gantz-it pasi u distancua nga marrëveshja e armëpushimit të Presidentit Joe Biden, e paraqitur muajin e kaluar si një propozim izraelit.
Të shtunën, Netanyahu i bëri thirrje Gantz-it të qëndrojë në koalicion, duke thënë: Kjo është koha për unitet dhe jo për ndarje.
"Ne duhet të mbetemi të bashkuar brenda vetes përballë detyrave të mëdha përpara nesh. I bëj thirrje Benny Gantz mos e lini qeverinë e urgjencës. Mos hiqni dorë nga uniteti.”, shkroi Netanyahu në një postim në X.
Dënimi i përhapur i numrit të viktimave civile në luftën në Gaza është përshkallëzuar javët e fundit pasi dhjetëra njerëz u vranë në Rafah në një zonë ku civilët e zhvendosur ishin strehuar në tenda. Të shtunën, një sulm izraelit në Gazën qendrore që shpëtoi katër pengje vrau gjithashtu mbi 270 palestinezë, duke e çuar numrin e të vdekurve në Gaza në më shumë se 37 mijë që nga fillimi i luftës tetorin e kaluar, sipas Ministrisë së Shëndetësisë së Gazës.
Ndërsa qeveria e Netanyahut mund të mbijetojë nëse Gantz jep dorëheqjen, Netanyahu do të mbetet më tej i izoluar në Izrael dhe do të detyrohet të mbështetet në mbështetjen e anëtarëve të ekstremit të djathtë të qeverisë së tij, duke i lënë shpresat për propozimin e Biden të varur në fije.
Lini një Përgjigje