FLASH
Shkruar nga Pamfleti
Myanmari u trondit të premten në mëngjes nga një tërmet 7.7 ballë i përqendruar 16 kilometra në veriperëndim të qytetit të Sagaing, me një thellësi prej vetëm 10 kilometrash, i ndjekur disa minuta më vonë nga një pasgoditje me magnitudë 6.7 ballë (sipas studimit gjeologjik të USGS).
Një tërmet i fuqishëm me magnitudë 7.7 goditi Mianmarin dhe Tajlandën dje mëngjes, duke shkaktuar shumë viktima dhe dëme katastrofike.
Sipas Shërbimit Gjeologjik të SHBA (USGS), numri i viktimave mund të variojë nga 10,000 deri në 100,000 persona.
Deri tani janë konfirmuar mbi 600 viktima dhe 1670 të lënduar, ndërkohë në Junta janë shpallur të zhdukur 68 persona.
Tërmeti u regjistrua pranë Mandalay, qyteti i dytë më i madh i Mianmarit, dhe u pasua 12 minuta më vonë nga një tjetër goditje me magnitudë 6.4. Ekspertët paralajmërojnë se mund të ketë tërmete të tjera në vijim.
Mianmari shtrihet mbi Sagaing Fault, një zonë tejet aktive sizmike, ku pllakat tektonike indiane lëvizin me shpejtësi 49 mm në vit. Kur këto pllaka ngecin dhe më pas çlirojnë energji të grumbulluar, krijohen tërmete të fuqishme si ky i djeshmi.
Sipas USGS, tërmeti ndodhi në një thellësi prej vetëm 10 km, duke e bërë atë jashtëzakonisht shkatërrues për zonat e banuara. Goditja u ndje edhe në provincën Yunnan të Kinës, ku autoritetet kineze e matën me magnitudë 7.9.
Alarmi u lëshua edhe në Bangkok dhe qytete të tjera të Tajlandës rreth orës 13:30 me orën lokale.Lëkundjet e forta shkaktuan panik, ndërsa ndërtesa dhe infrastruktura u dëmtuan rëndë.
Profesor Bill McGuire nga University College London tha se ky është ndoshta tërmeti më i madh në Mianmar në 75 vitet e fundit.
Ai paralajmëroi për rrezikun e pasgoditjeve të shumta, të cilat mund të shembin ndërtesat e dëmtuara dhe të rrezikojnë ekipet e shpëtimit.
Një raport i shkencëtarëve kinezë muaj më parë paralajmëronte se zona qendrore e Sagaing Fault ishte "e bllokuar" për një kohë të gjatë, duke sugjeruar mundësinë e një tërmeti të madh. Fatkeqësisht, paralajmërimet u bënë realitet sot.
Ndërsa operacionet e shpëtimit vazhdojnë, ekspertët theksojnë se mungesa e sigurisë në ndërtime e ka bërë situatën edhe më të rëndë.
Duke iu përgjigjur thirrjes së Mianmarit për ndihmë ndërkombëtare, India, Kina dhe Rusia dërguan ekipe shpëtimi për të ndihmuar në operacionet e shpëtimit të të bllokuarve në rrënojat e lëna pas nga tërmeti vdekjeprurës 7.7 ballë.
Konkretisht, një ekip prej 37 shpëtimtarësh nga Kina mbërriti në Yangon (ish-kryeqyteti i Mianmarit) me pajisje dhe ilaçe të avancuara, siç njoftoi ambasada kineze në një postim në Facebook.
Edhe Presidenti amerikan Donald Trump njoftoi se kishte kontaktuar me zyrtarë në Mianmar, duke siguruar se Uashingtoni do të ofronte ndihmë, por pa dhënë detaje të mëtejshme.
Lini një Përgjigje