FLASH
Shkruar nga Pamfleti
Europa është nën pushtetin e të nxehtit ekstrem, ku temperaturat vijojnë të rriten.
Organizata Botërore Meteorologjike thotë se vala e të nxehtit në hemisferën veriore do të intensifikohet. Rreth 61,000 njerëz mund të kenë vdekur nga valët e të nxehtit vitin e kaluar vetëm në Evropë.
Qendra e koordinimit të reagimit ndaj emergjencave të BE-së lëshoi alarme të kuqe për temperatura të larta për pjesën më të madhe të Italisë, Spanjën verilindore, Kroacinë, Serbinë, Bosnjën dhe Hercegovinën jugore dhe Malin e Zi.
Në Itali, ishulli i Sardenjës shënoi 44 gradë dhe Roma arriti në 40C të martën, pasi ministria e shëndetësisë lëshoi alarme të kuqe të motit për 20 nga 27 qytetet kryesore të vendit, me numrin që pritet të rritet në 23 të mërkurën.
Ndërsa në Greqi disa zjarre kanë shpërthyer nëpër pyje dhe qytete në veriperëndim të Athinës raporton Reuters, duke detyruar më shumë banorë të largohen nga shtëpitë e tyre ndërsa autoritetet luftuan për të ndaluar flakët që arrinin në një zonë me rafineri nafte.
Një nga frontet e zjarrit shtrihej mbi 8 km sipas dëshmitarëve dhe zyrtarëve, duke djegur shtëpi dhe makina rreth zonës së Mandrës, në perëndim të kryeqytetit, e cila ishte e mbuluar nga tymi i dendur.
"Ne po jetojmë një makth," i tha Open TV kryebashkiaku i Mandra, Christos Stathis. “Shtëpitë dhe pronat janë në flakë”.
Vonë të martën, flakët u drejtuan drejt qytetit bregdetar të Nea Peramos.
Zjarri, i cili shpërtheu të hënën në rajonin e Dervenochoria, rreth 30 km në veri të Athinës, u përhap me shpejtësi pasi u ndez nga erërat e paqëndrueshme dhe arriti në Mandra të martën, duke i detyruar njerëzit të iknin dhe duke djegur shtëpi.
Që nga ora 20:36 në mbrëmje flakët ishin të pakontrolluara. Pesë anije të rojes bregdetare dhe varka private ishin në gatishmëri jashtë Elefsinës, gati për të ndihmuar një evakuim emergjent.
Lini një Përgjigje