FLASH
Shkruar nga Pamfleti
Një helikopter i Policisë Kombëtare të Kolumbisë u sulmua ditën e sotme në departamentin e Antioquias, teksa humbën jetën 8 oficerë dhe mbetën të plagosur tetë të tjerë.
Lajmin u konfirmua nga presidenti Gustavo Petro, i cili fajësoi grupin kriminal të fuqishëm Clan del Golfo për sulmin vdekjeprurës.
Sipas presidentit, helikopteri po transportonte personel që kishte për mision çrrënjosjen e kulturave të kokës në zonën e Amalfit, kur u godit.
“Kemi lajmin e trishtë të tetë policëve të vrarë dhe tetë të plagosur në helikopterin që kishte misionin të transportonte personel për eradikimin e bimëve të kokës”, shkroi Petro në platformën X.
Guvernatori i Antioquias, Andrés Julián Rendón, deklaroi se helikopteri po mbështeste operacionet për çrrënjosjen manuale të kulturave të paligjshme, kur dyshohet se u sulmua me një dron. Ai shtoi se disa efektivë me uniformë mbetën të plagosur.
Autoritetet paralajmëruan se në këtë zonë veprojnë si Clan del Golfo, ashtu edhe disidentë të ish-Forcave të Armatosura Revolucionare të Kolumbisë (FARC), duke e bërë situatën edhe më të rrezikshme.
Over the past hours, it has been reported that two #Colombian National Police helicopters have been attacked by FPVs, with one of them being downed pic.twitter.com/6r3vUbEQwu
— Uncensored News (@Uncensorednewsw) August 21, 2025
Lini një Përgjigje