FLASH
Shkruar nga Pamfleti
Propozimi fillestar u ngushtua nga 28 në 20 pika në Gjenevë dhe u “finalizua” gjatë bisedimeve fundjavën e kaluar në Florida...
Ukraina dhe SHBA-të e kanë përpunuar planin origjinal të paqes të propozuar nga amerikanët në një plan me 20 pika, kështu deklaroi presidenti Volodymyr Zelenskyy në një konferencë për shtyp në Dublin pak më parë.
Ai tha se propozimi fillestar u ngushtua nga 28 në 20 pika në Gjenevë dhe u “finalizua” gjatë bisedimeve fundjavën e kaluar në Florida.
"Disa gjëra ende duhen sqaruar. Kjo shënon një nga momentet më sfiduese dhe megjithatë optimiste në të njëjtën kohë për paqen në Ukrainë. Tani më shumë se kurrë ka një shans për t’i dhënë fund kësaj lufte”, tha Zelensky.
Ai foli gjithashtu për takimin e sotëm në Kremlin, ku të dërguarit e Donald Trump, Steve Witkoff dhe Jared Kushner, do të diskutojnë planin e paqes SHBA-Ukrainë me Vladimir Putinin. Zelensky tha se pret komunikim nga ekipi amerikan menjëherë pas takimit të tyre me Putinin dhe zyrtarë të tjerë të Kremlinit.
"Jam i përgatitur të mbështes të gjitha sinjalet [që e afrojnë fundin e luftës], jam i përgatitur të takohem me Presidentin Trump. Gjithçka varet nga bisedimet e sotme", theksoi Zelensky.
Duke iu drejtuar natyrës së një paqeje të ardhshme, Volodymyr Zelensky ka bërë thirrje për një plan paqeje që është i hapur dhe i drejtë dhe që nuk diskutohet pas shpinës së Ukrainës.
"Ukraina do të duhet gjithashtu të kuptojë se si do të jenë garancitë e sigurisë në të ardhmen dhe si do të funksionojnë. Ne duhet ta ndalojmë luftën në një mënyrë të tillë që, brenda një viti, Rusia të mos kthehet me pushtimin e tretë në dhjetë vjet. Ne jemi mirënjohës ndaj SHBA-së për faktin se ata janë të përgatitur të jenë garantues të sigurisë, por ne duam ta kuptojmë këtë. Siguria për popullin ukrainas është ajo që na duhet", tha Zelensky.
Në fund Zelensky ndau edhe disa detaje të tjera mbi planin e rregulluar të paqes SHBA-Ukrainë. Ai tha se nuk ishte gati të ndante "të gjitha pikat e planit, por shpjegoi se cilat ishin tre temat më të ndjeshme dhe pyetjet e sfidat më të vështira të diskutimeve.
Tre temat e diskutimit:
1-Koncesionet territoriale
2-Përdorimi i aseteve të ngrira ruse.
3- Koalicioni i të vullnetshëmve.
Zelensky shtoi gjithashtu se ishte i hapur për të vazhduar bisedimet me të dërguarin special të Donald Trump, Steve Witkoff.
"Nëse mendoj se mund të mbështetemi në dialog të vërtetë dhe specifik, jo vetëm fjalë, do të takohemi dhe ai është shumë i mirëpritur në Ukrainë", tha Zelensky, duke shtuar se kjo ka të ngjarë të mos ndodhë në ditët në vijim.
Presidenti tha se do të reagonte ndaj bisedimeve të SHBA-së në Kremlin sonte "sipas rezultateve"./Pamfleti
Lini një Përgjigje