FLASH
Shkruar nga Pamfleti
"Potenciali në Rripin e Gazës është i pabesueshëm" dhe se ai mund të bëhet "riviera e Lindjes së Mesme", tha investitori i pasurive të paluajtshme i kthyer në president.
Presidenti Donald Trump e sheh Gazën si një mundësi për pasuri të paluajtshme, shkruan CNN pasi lideri amerikan propozoi dëbimin e palestinezëve nga shtëpitë e tyre për t’a kthyer Rripin në Rivierën e Lindjes së Mesme.
Konflikti izraelit palestinez ka qenë një nga problemet më të vështira të Lindjes së Mesme. Por Trump e ka portretizuar atë si një mundësi biznesi.
"Potenciali në Rripin e Gazës është i pabesueshëm" dhe se vendi mund të bëhet "riviera e Lindjes së Mesme", tha investitori i pasurive të paluajtshme i kthyer në president, thekson media amerikane.
“Ne kemi një mundësi për të bërë diçka që mund të jetë fenomenale. Dhe unë nuk dua të jem i lezetshëm, nuk dua të jem një djalë i mençur, por Riviera e Lindjes së Mesme, kjo mund të jetë diçka që mund të jetë kështu – kjo mund të jetë kaq madhështore”, u tha Trump gazetarëve.
I pyetur se kë parashikon ai të jetojë në Gaza, Trump tha: “Unë parashikoj njerëzit e botës që jetojnë atje. Njerëzit e botës. Unë mendoj se ju do ta shndërroni atë në një vend ndërkombëtar, të pabesueshëm”, duke pohuar se disa palestinezë mund të jetojnë atje një ditë.
Presidenti tha gjithashtu se ka në plan të vizitojë Gazën së shpejti.
Muajin e kaluar, Trump vlerësoi Gazën si një "lokacion fenomenal, në det" dhe " me motin të të mirë", duke i bërë jehonë komenteve të bëra në vitin 2024 nga dhëndri i tij Jared Kushner, i cili e quajti pronën ujore në Gaza "shumë të vlefshme".
I dërguari special i Trump në Lindjen e Mesme, Steve Witkoff, është gjithashtu një zhvillues i pasurive të paluajtshme. Witkoff udhëtoi për në Gaza javën e kaluar, duke u bërë zyrtari i parë i rangut të lartë amerikan i njohur që vizitoi Rripin në vite.
Ndërkohë propozimi i Trump është një lajm i mirëpritur për të djathtën ekstreme të Izraelit.
E djathta ekstreme e Izraelit ka mbështetur prej kohësh idenë e dëbimit të palestinezëve nga Gaza dhe Bregu Perëndimor dhe ligjvënësit i mirëpritën komentet e Trump për marrjen në dorë të rripit.
Udhëheqësi i partisë Fuqia Hebraike Itamar Ben Gvir, i cili dha dorëheqjen si ministër i Sigurisë Kombëtare muajin e kaluar në shenjë proteste ndaj armëpushimit në Gaza dhe marrëveshjes për lirimin e pengjeve, i kërkoi Netanyahut të miratojë planin e Trump në një deklaratë për X të mërkurën.
"Tani është e qartë: kjo është zgjidhja e vetme për problemin e Gazës - kjo është strategjia për "të nesërmen", tha ai.
Ndërsa qeveria e Izraelit ka hedhur poshtë më parë pretendimet se ka në plan të detyrojë palestinezët të largohen nga Gaza, Netanyahu shprehu mbështetjen për vizionin e Trump.
Duke treguar objektivin e luftës së Izraelit për të siguruar që Gaza të mos përbëjë kërcënim për të, Netanyahu tha: “Presidenti Trump po e çon atë në një nivel shumë më të lartë. Ai sheh një të ardhme ndryshe për atë pjesë toke që ka qenë fokusi i kaq shumë terrorizmit.” Udhëheqësi izraelit tha se ideja e Trump mund të "ndryshojë historinë" dhe se "ia vlen vërtet të ndiqet kjo rrugë"./Pamfleti
Lini një Përgjigje