FLASH
Shkruar nga Pamfleti
Shpallja e tij e padëshiruar është një mesazh edhe për të korruptuarit e Tiranës. SHBA po e bën të qartë se askush nuk shpëton dot...
Departamenti i Shtetit ka “godet” sërish në Ballkan. Ish-zëvendëskryeministri maqedonas Koço Angjushev, është futur në listën e zezë të amerikanëve.
Sipas njoftimit të DASH, ai është shpallur “non grata”, pasi dyshohet si i përfshirë në afera korrupsioni.
“Ndërsa shërbente si zëvendëskryeministër, Angjushev abuzoi me detyrën e tij zyrtare për të përfituar për interesat e tij private të biznesit, duke minuar besimin e qytetarëve të Maqedonisë së Veriut në institucionet e tyre qeveritare dhe proceset publike. Hapi i sotëm tregon se Shtetet e Bashkuara qëndrojnë pranë atyre në Maqedoninë e Veriut që kërkojnë llogari nga zyrtarët e korruptuar publikë”, thuhet në deklaratë.
Departamenti i Shtetit gjithashtu ndaloi gruan e tij Elisabetta dhe fëmijët Angel dhe Ognen të hynin në Shtetet e Bashkuara. Sergej Samsonenko, Orce Kamçev, Ratka Kamçeva, Sasho Mijalkov, Nikolla Gruevski dhe Ramiz Merko janë në listën e zezë të SHBA-së për shkak të korrupsionit.
Koço Angjushev, ka qenë në listën e vitit 2013 të “Forbes” për personat më të pasur të Maqedonisë. Ai është pronar i grupit ”Feroinvest” dhe themelues i grupacit ”Brako”. Kur kryeministër ishte Zoran Zaev, ai mori karrigen e numrit dy të qeverisë.
Por më pas ai u akuzua për afera korrupsioni. Komisioni për Anti-korrupsion akuzoi Koço Angjushev për abuzim me vendimin e qeverisë për zvogëlimin e tarifës doganore për bateritë e litiumit. Ai ka qenë në konflikt interesi sepse përfitonin kompanitë e tij. Po ashtu ai është akuzuar disa herë për avuzime në fushën e energjisë.
Por shpallja e tij e padëshiruar është një mesazh edhe për të korruptuarit e Tiranës. SHBA po e bën të qartë se askush nuk shpëton dot. Kush ka vjedhur pasuritë e qytetarëve herët a vonë do përfundojnë në listën e zezë dhe në Tiranë janë të shumtë ata që presin radhën.
Lini një Përgjigje