FLASH
Shkruar nga Pamfleti
Nga ana tjetër, Rusia prej kohësh ka caktuar vijën e kuqe, duke thënë se goditja e objekteve brenda territorit të saj, do të dërgonte në mënyrë direkte në një përgjigje bërthamore.
Ditën e sotme gjatë një vizite në Kiev, sekretari i Jashtëm britanik, David Cameron, premtoi 3 miliardë paund ndihmë ushtarake çdo vit për Ukrainën, për aq kohë sa të jetë e nevojshme.
Në një intervistë me Reuters, Cameron vuri në dukje se disa nga pajisjet britanike "në fakt po mbërrijnë në Ukrainë sot, ndërsa unë jam këtu", duke vënë në dukje gjithashtu:
“Ne do të japim tre miliardë paund çdo vit për aq kohë sa të jetë e nevojshme. Thjesht kemi zbrazur gjithçka që mundemi për sa i përket dhënies së pajisjeve”, tha Sekretari i Jashtëm britanik.
Sipas Reuters, Cameron tha se Ukraina mund të përdorë armët e ofruara nga Londra për të sulmuar objektivat brenda Rusisë. Një deklaratë kjo e cila mund t’i japë kurajo Ukrainës që të sulmojë Rusinë, por që më pas mund të nxiste një reagim akoma më të madh nga ana e Rusisë.
“Ukraina e ka këtë të drejtë. Ashtu si Rusia po godet brenda Ukrainës, ju mund ta kuptoni fare mirë pse Ukraina ndjen nevojën për t'u siguruar që po mbrohet", tha kryediplomati i Mbretërisë së Bashkuar.
SHBA dhe Gjermania furnizojnë armët e tyre në Ukrainë me kusht që Kievi të mos i përdorë në territorin rus. Deklarata e Cameron, nëse përcillet me saktësi nga Reuters, potencialisht hap mundësinë e sulmeve ukrainase duke përdorur raketa britanike Storm Shadow brenda Rusisë. Citati i dhënë nuk përmendi në mënyrë eksplicite armët britanike.
Në shkurt, ministri i mbrojtjes i Finlandës tha se Finlanda nuk e kishte kufizuar përdorimin e armëve të furnizuara nga Ukraina, me kryetarin finlandez të komitetit të mbrojtjes që ra dakord që Ukraina mund të synojë në mënyrë legjitime objektet ushtarake në Rusi.
Ministrja e Jashtme Letoneze Baiba Braze konfirmoi se Ukraina mori armë perëndimore nga disa partnerë me leje për të goditur territorin rus.
Nga ana tjetër, Rusia prej kohësh ka caktuar vijën e kuqe, duke thënë se goditja e objekteve brenda territorit të saj, do të dërgonte në mënyrë direkte në një përgjigje bërthamore.
Më herët, zëdhënësi i Kremlinit Dmitry Peskov deklaroi se Moska do të preferonte që Uashingtoni t’i bënte thirrje Kievit jo vetëm të ndalojë sulmet ndaj objekteve energjetike në Rusi, por të heqë dorë nga aktivitetet terroriste në përgjithësi, kryesisht në ndërtesat e banimit. Komenti i tij ishte një përgjigje ndaj një artikulli të gazetës “Financial Times”, në të cilin thuhet se administrata amerikane kërkon që Kievi të ndalojë sulmet ndaj infrastrukturës energjetike ruse.
Lini një Përgjigje