FLASH
Shkruar nga Pamfleti
Ekuipazhi ndodhet rreth 160 mijë kilometra larg Tokës dhe i afrohet Hënës në një mision historik rreth saj
NASA ka publikuar imazhet e para të realizuara nga brenda kapsulës Orion të misionit Artemis II, ku katër astronautë po udhëtojnë në një mision rreth Hënës. Në një fotografi të shpërndarë të premten, komandanti i misionit Reid Wiseman ka kapur një pamje të Tokës përmes dritares së kapsulës. Imazhi tregon planetin të mbuluar nga formacione të gjera resh, duke u dukur sikur po “ngrihet” përtej anijes hapësinore ndërsa ekuipazhi vazhdon udhëtimin.
Një tjetër imazh paraqet të gjithë globin me oqeanet e dukshme. Një aurorë jeshile gjithashtu ndriçon.
Deri në mesditën e së premtes, Wiseman dhe ekuipazhi i tij ndodheshin rreth 100 mijë milje (160 mijë kilometra) larg Tokës dhe po i afroheshin me shpejtësi Hënës, me edhe 160 mijë milje (258 mijë kilometra) për të përshkuar. Ata pritet të arrijnë destinacionin të hënën.
Tre astronautë amerikanë dhe një kanadez do të fluturojnë rreth Hënës me kapsulën Orion përpara se të kthehen drejt Tokës pa u ulur në sipërfaqe. Anija hapësinore u vendos në këtë trajektore pasi ekuipazhi aktivizoi motorin kryesor të Orionit të enjten në mbrëmje.
“E dija se kjo ishte ajo që do të shihnim”, tha specialistja e misionit Christina Koch, gruaja e parë që udhëton rreth Hënës, për ABC News në një lidhje video të enjten në mbrëmje.
Në vijim ajo shtoi “nuk ka asgjë që të përgatit për aspektin mahnitës të të parit të planetit tënd, njëkohësisht të ndriçuar si ditë dhe gjithashtu me dritën e Hënës që reflekton mbi të gjatë natës, me një rreze të bukur të perëndimit të diellit, dhe duke ditur se do të kemi pamje të ngjashme të Hënës.
"Jam shumë e emocionuar për këtë. Dhe pastaj, natyrisht, kthimi në shtëpi”, pohoi ajo.
"Suddenly, we're up there with them."
— NASA (@NASA) April 3, 2026
We're sharing the Artemis II crew's first images from space—keep following our 24/7 live feed for the latest mission updates: https://t.co/BezILihoZc pic.twitter.com/OwgYsWnngp
Në ditën e gjashtë të misionit, ekuipazhi do të kalojë pranë Hënës. Anija hapësinore do të arrijë afrimin maksimal, rreth 4,000–6,000 milje (6,450–9,650 kilometra) mbi sipërfaqen hënore.
Astronautët do të udhëtojnë rreth anës së largët të Hënës, duke u bërë njerëzit e parë që shkojnë kaq larg në hapësirë të thellë pas më shumë se 50 vitesh. Para kësaj faze, ekuipazhi po ushtron vëzhgimet shkencore që planifikon të kryejë gjatë kalimit pranë Hënës.
Një fluturim rrethor (flyby) është kur një anije hapësinore fluturon rreth një planeti ose Hënës pa u ulur, duke përdorur gravitetin e tij për të ndryshuar drejtimin dhe për t’u kthyer nga erdhi.
Pas kalimit rreth Hënës, anija do të përdorë gravitetin e saj për t’u kthyer drejt Tokës. Ulja në oqean pritet në Oqeanin Paqësor, pranë brigjeve të San Diegos, më 11 prill rreth orës 00:06 GMT (8:06 e mbrëmjes sipas kohës lindore më 10 prill).
Për astronautët, ky udhëtim nuk është vetëm një mision teknik, por edhe një përvojë personale. Shikimi i Tokës nga hapësira e thellë shërben si një kujtesë për identitetin e përbashkët të njerëzimit, tha Victor Glover, astronauti i parë me ngjyrë që udhëton përtej orbitës së ulët të Tokës.
“Na besoni, dukeni mahnitës. Dukeni bukur,” tha Glover për ABC, duke përshkruar pamjen e Tokës nga hapësira.
“Nga këtu lart, dukeni si një e vetme. Homo sapiens jemi të gjithë, pa marrë parasysh nga vini apo si dukeni. Ne jemi një popull i vetëm. I quajmë arritjet e jashtëzakonshme njerëzore ‘moonshots’ për një arsye. Ky mision na bashkoi dhe tregoi se çfarë mund të bëjmë … kur bashkojmë dallimet tona dhe përdorim të gjitha forcat për të arritur diçka të madhe.”
Lini një Përgjigje