FLASH
Shkruar nga Pamfleti
Sekretari i Mbrojtjes i SHBA-së, Pete Hegseth tha se ka të gjitha autorizimet e nevojshme për sulme në Karaibe nga ushtria amerikane kundër anijeve që dyshohet se transportojnë drogë të paligjshme pranë brigjeve të Venezuelës.
Shtetet e Bashkuara vranë katër persona në një sulm të premten, sulmi i katërt i tillë në javët e fundit.
“Ne kemi çdo autorizim të nevojshëm. Këto janë përcaktuar si organizata terroriste të huaja”, tha Hegseth në një intervistë për “Fox News”.
Hegseth dhe Presidenti Donald Trump nuk kanë ofruar prova për pretendimet se anijet e synuara transportonin drogë. Trump deklaroi javën e kaluar se SHBA-të ishin në “një konflikt të armatosur jo ndërkombëtar” me kartelet e drogës, pa ofruar ndonjë arsyetim të ri ligjor.
Kritikët thonë se sulmet ndaj anijeve janë një përpjekje e mëtejshme e Trump për të testuar fushëveprimin e fuqive të tij presidenciale. Ekspertët ligjorë kanë vënë në pikëpyetje pse ushtria po i kryen këto sulme në vend të Roja Bregdetare të SHBA-së, agjencisë së ligjit detar të vendit.
“Nëse ndodheni në hemisferën tonë, nëse ndodheni në Karaibe, nëse ndodheni në veri të Venezuelës dhe doni të trafikoni drogë në Shtetet e Bashkuara, jeni një objektiv legjitim i ushtrisë amerikane”, u shpreh Hegseth.
Trump deklaroi se përqendrimi ushtarak amerikan në Karaibe kishte ndaluar trafikimin e drogës nga Amerika e Jugut.
“Nuk ka drogë që hyjnë në qarkullim. Dhe do të shohim se cila është faza 2”, u tha ai gazetarëve në Shtëpinë e Bardhë.
Lini një Përgjigje