FLASH
Shkruar nga Pamfleti
Altin Dumani dhe Mirela Bogdani kanë bllokuar procesin ligjor për të emëruar drejtuesin e Byrosë Kombëtare të Hetimit, ndërsa SHBA paralajmëron hapur kundër manipulimit të strukturave të drejtësisë...
Në shkelje të Ligjit nr. 95, datë 6 tetor 2016, Byroja Kombëtare e Hetimit vijon të jetë pa drejtues të zgjedhur që prej 1 shtatorit, dhe siç duket, nuk dihet se kur do të zgjidhet. Arsyeja është bllokimi i qëllimshëm për të vendosur një “kukull” që t’i shërbejë shefave të SPAK, KLP dhe kupolës politike.
Bllokimi po bëhet nga drejtuesi i SPAK, Altin Dumani, dhe drejtuesja e Këshillit të Lartë të Prokurorisë, Mirela Bogdani, të cilët nuk zbatuan dhe po zvarrisin afatet ligjore të përzgjedhjes së kandidatëve dhe zgjedhjes së drejtuesit të ri të BKH-së.
Më 7 prill 2025, Dumani njoftoi hapjen e garës për Drejtor të BKH-së, pasi mandati i Aida Hajnajt mbaronte më 31 gusht 2025. Procesi duhej të përfundonte më 20 gusht, por nuk përfundoi, sepse në vend që të zgjidhnin drejtuesin e ri, SPAK dhe KLP larguan Hajnajn, e cila duhej të qëndronte deri në zgjedhjen e pasuesit.
Që prej 1 shtatorit, në krye të BKH është komanduar zv/drejtori Joni Keta, me propozim të Dumanit dhe vendim të KLP-së. Ky komandim është shkelja e dytë, pasi Keta është një nga 7 kandidatët për drejtor.
Zvarritja, “ping-pong” i inskenuar nga SPAK dhe KLP
Për të zvarritur procesin, drejtuesit e SPAK dhe KLP kanë inskenuar një lojë “ping-pongu” mes tyre, në shërbim të mafies politike.
SPAK vonoi përzgjedhjen e kandidatëve duke shtyrë testimet (fizike, logjike, ese me shkrim dhe poligraf), ndërsa KLP nuk e detyroi Dumanin të respektonte afatet.
Aktualisht, si justifikim përdoret vettingu për figurën, profesionalizmin dhe pasuritë e kandidatëve – proces që duhej të ishte kryer deri më 5 gusht 2025 dhe emrat duhej t’i ishin dërguar KLP-së për zgjedhje.
Çfarë e pengoi Altin Dumanin të përzgjidhte kandidatin brenda afatit 5-mujor nga hapja e garës?
Sipas informacionit të siguruar nga “Pamfleti”, ende nuk është bërë vettingu për 7 kandidatët dhe nuk janë dërguar emrat në KLP, ndërsa Mirela Bogdani hesht.
Kjo vonesë nuk ka shkaqe objektive. Ajo lidhet me kulisat e kupolës së SPAK dhe KLP, fijet e së cilës luhen nga politika dhe faktorë të jashtëm të fuqishëm, për të vendosur emrin e ri të drejtorit të BKH-së.
Sipas burimeve, politika ka urdhëruar që zgjedhja të zvarritet deri në dhjetor, kur të zgjidhet edhe drejtuesi i ri i SPAK, me qëllim që të dy strukturat të mbeten nën kontroll politik.
Por këtij skenari i është kundërvënë DASH, me ultimatume të hapura ndaj kupolës politike për të mos diktuar dhe manipuluar zgjedhjen e drejtuesve të rinj të BKH-së dhe SPAK-ut./Pamfleti
Vendimi për: "vetingu për figurën, profesionalizmin dhe pasuritë e kandidatëve" për kreun e BKH,nuk është justifikim. A i kanë kryer detyrat institucionet të cilat kanë detyrime në kuadër të: "Reformës Në Drejtësi". Apo Z.Dumani nuk i ka vënë në lëvizje fare këto institucione? Kush nuk ka kryer detyrat? ILDPKI? DSIK? Prokurori I Përgjithshëm?Apo KLP? Se qeveria edhe opozita atë duan që: ''krerët e institucioneve që emërojnë ,kontrollojnë dhe menazhojnë "Reformën në Drejtësi" ti caktojnë 'ATA". Sikurse kanë bërë deri tashti, 'pa zbatuar të tre kriteret.
Nuk kan as turp qe në vënd të janë model i zbatimit të ligjit , janë bërë model i rëndomtë i shkeljes sr ligjit. S'mund të jenë ndryshe,janë produkt i kësaj klase të kalbur politike.
Dumani po e ben si lopa.
Si duket politika dhe organet qe kane detyrimin e zgjedhes se ketyre drejtuseve Kane rene daort.per te zgjedhur ata qe u interesojne atyre.Ndaj dhe zvarritet e zgjedhjes e tyre me justifikime nga.me te ndryshme Ne qofte se ndothe kjo eshte shume e demshme.Do ket nje drejtesi te dirigjuar