FLASH
Shkruar nga Pamfleti
Në orën 11:38 është rikthyer zyrtarisht qarkullimi i automjeteve në segmentin rrugor të prekur në zonën e Dragostunjës, duke i dhënë fund ndërprerjes së përkohshme që shkaktoi probleme për qindra drejtues mjetesh.
Pjesa e aksit kombëtar Librazhd–Prrenjas ishte bërë e pakalueshme për shkak të dëmtimeve në zonën e njohur si “Arrat e Gurrës”. Pas ndërhyrjeve në terren dhe garantimit të kushteve të sigurisë, autoritetet njoftuan rifillimin e lëvizjes.
Rihapja e këtij segmenti rikthen normalitetin në një prej arterieve kryesore që lidh Tiranën me juglindjen e vendit dhe me shtetet fqinje, duke lehtësuar qarkullimin e automjeteve dhe transportin e mallrave.
Autoritetet u bëjnë thirrje drejtuesve të mjeteve të respektojnë sinjalistikën rrugore dhe të tregojnë kujdes të shtuar gjatë kalimit në këtë zonë, ndërsa në vijim pritet të jepen informacione të tjera mbi ndërhyrjet përfundimtare në këtë segment.
Lini një Përgjigje