FLASH
Shkruar nga Pamfleti
Eksperti i sigurisë, Fatjon Softa, thotë se është shumë e vështirë të sigurohen prova të reja edhe nga rindërtimi i skenës së vrasjes së Pjerin Xhuvanit në Elbasan. Sipas tij kjo pasi ka kaluar një kohë e konsiderueshme nga momenti i vrasjes.
“Kjo rikërkesë për të vlerësuar skenën e krimit, nuk është hera e parë që mund të ndodhë. Rindërtimi i skenës së krimit bëhet gjithnjë më i vështirë kur ka kaluar kohë e gjatë nga ngjarja. E vështirë të gjenden prova të reja për skenën e krimit. Ka një sasi gëzhojash, që nuk kanë dalë nga e njëjta armë dhe rindërtimi i kësaj skenë nuk është se dha diçka të re”, tha Softa.
Rindërtimi i skenës është bërë pas kërkesës së të akuzuarit Paplekaj, por gjasat për sigurimin e provave të reja mbeten të pakta.
Përfundimet do t’i dorëzohen Gjykatës së Apelit, por burime thanë se nga ndërtimi i skenës nuk janë nxjerrë detaje të reja dhe konkluzionet mbeten të pandryshuara.
Lini një Përgjigje