FLASH
Shkruar nga Pamfleti
Ju ftojmë të ndiqni zhvillimet kryesore nga kronika e zezë deri në këtë orë të ditës, ku ndër të tjera veçojmë:
Krimi dhe drejtësia: Franc Çopja, i njohur për lidhjet me një klan mafioz, prezantohet tani si agjent imobiliar ndërsa po përballet në gjyq së bashku me 8 bashkëpunëtorë.
Në Shqipëri, arrestohet një 37-vjeçar në Kurbin gjatë operacionit “Risku”, ku policia gjeti armë, municione dhe ora luksoze.
Një 19-vjeçar është arrestuar në Tiranë për plagosjen me mjet prerës të një të riu, ndërsa një sherr i madh në burgun e sigurisë së lartë përfundoi me dy të dëmtuar në spital, Astmer Bilali dhe Mikel Thani.
Krimi jashtë vendit: Në Itali, një shqiptar sulmon pronarin e lokalit dhe të birin për një debat mbi pijet alkoolike.
Në Zvicër, shqiptarëve iu zhduket një kontejner me 500 kg kokainë në Romont, i cili përfundon te një fabrikë e njohur.
Ndërkohë, një resort në Zvicër është përfshirë nga një zjarri që la 40 viktima; menaxherja u filmua duke u larguar me kasafortën e parave, dhe hetimet sapo kanë nisur.
Fatkeqësitë dhe përmbytjet: Pas përmbytjeve të 6–7 janarit, autoritetet kanë nisur hetimin ndaj Emiriana Sakos për shkatërrim prone.
Në Gjakovë, një fabrikë prodhimi dyshekësh digjet, por punëtorët u evakuuan në kohë, ndërsa shkaqet e zjarrit mbeten të panjohura.
Situata ndërkombëtare: Qeveria e Venezuelës ka filluar lirimin e disa të burgosurve, megjithëse 800 të tjerë mbeten ende në burg, një hap ky që shihet si përpjekje për zbutjen e tensioneve.
Në Iran, protestat dhunshme kanë hyrë në ditën e 12-të, ku numri i viktimave ka arritur në 45. Autoritetet kanë ndërprerë internetin, ndërsa Ajatollah Khamenei sulmoi Donald Trump duke e quajtur “arrogant”.
Lini një Përgjigje