FLASH
Shkruar nga Pamfleti
Gazetari Eni Ferhati dhe avokati i ish-kryeministrit Berisha kanë debatuar lidhur me një masë sigurie ndaj ish-kryeministrit në rast se ky i fundit vazhdon të mos i bindet urdhrit të gjykatës.
Në një intervistë për “Euronews Albania”, avokati Genc Gjokutaj një masë sigurie më e fortë ndaj ish-kryeministrit mund të vijë vetëm në rast se ish-kryeministri është dy herë në parlament, është përditë në komunikim me publikun dhe nuk ka rrezik ikje.
Ai thekson se është rreziku i ikjes ai që e çon prokurorin që të mendojë se ky do t’i shmanget hetimit.
Por sipas gazetarit Ferhati, nuk është e thënë që personi nën hetim të paraqesë rrezik largimi që ndaj tij të merret një masë më e fortë sigurie e për ta sqaruar këtë, ai lexoi ligjin, ndërsa avokati i përgjigjet duke i sugjeruar që të mos bënte interpretime të tilla.
Debati mes tyre:
Genc Gjokutaj: Mos merr përsipër, Eni mos e merr përsipër këtë, se po merr shumë përsipër. Ti nuk e ke idenë ç’është masa shtrënguese…
Eni Ferhati: Nuk po marr gjë përsipër, unë këtu nuk kam ardhur me axhendë, të jesh i qetë nëse ti e ke një axhendë unë nuk e kam. Më lejo ta lexoj dhe ta mbyllim këtë debat.
Genc Gjokutaj: Detyrimi për paraqitje, arresti në shtëpi, arresti në burg, ndalimi i daljes jashtë shtetit janë masa shtrënguese jo ndaluese.
Eni Ferhati: Po të lexoj pikën 3 të nenit 260. Kur nevojat e sigurimit rëndohen apo personi shkel detyrimet që lidhen me masën e sigurimit, nuk flet për rrezik ikje, Gjykata me kërkesë të prokuronit mund të vendosë zëvendësimin e saj me një masë më të rëndë ose caktimin e një mase sigurimi shtrënguese ose ndaluese shtesë.
Lini një Përgjigje