FLASH
Shkruar nga Pamfleti
Kryepeshkopi i Kishës Orthodhokse Autoqefale të Shqipërisë, Anastas, i cili u transportua në Athinë nga Tirana me një avion të Forcave Ajrore, po trajtohet në spitalin Evangelismos. Ai u shoqërua nga një mjek dhe dy ndihmës, personeli i trajnuar i EKAV, për transportin ajror.
Kryepeshkopi Anastas iu nënshtrua analizave laboratorike në mënyrë që mjekët të vendosnin nëse ai do të shtrohet në terapi intensive apo në një dhomë të pavionit të zakonshëm.
Sipas informacioneve, kryepeshkopi nuk është i intubuar.
Avioni C-27J që transportoi nga Tirana Kryepeshkopin Anastas, u ul në orën 19:34 në bazën ajrore të Elefsinës.
Në bordin e avionit ndodheshin një mjek dhe dy ndihmës, anëtarë të ekipit të personelit mjekësor, të cilët shoqëruan peshkopin 95-vjeçar gjatë transportit ajror.
Fortlumturia e tij Anastasios u shtrua më 30 dhjetor në një spital të Tiranës. Asokohe dihej se ai ishte prekur nga një virus sezonal dhe shtrimi i tij në spital u cilësua i nevojshëm kryesisht për arsye parandaluese, duke pasur parasysh moshën (ka mbushur 95 vjeç) dhe shëndetin e rënduar.
Por sot ai ka paraqitur një përkeqësim të konsiderueshëm, virusi është shndërruar në infeksion , ndërsa sipas informacioneve ai ka përjetuar gjakderdhje në sistemin tretës.
Kështu, u gjykua e domosdoshme transferimi i tij në Athinë dhe në veçanti në Evangelismos, ku do të trajtohet në një repart të thjeshtë dhe jo në Repartin e Mjekimit Intensiv, siç dihej fillimisht.
Kryepeshkopi Anastas ishte shtruar në të njëjtin spital, në nëntor 2020, kur u infektua me koronavirus.
Atëherë në krye ishte profesoresha Anastasia Kotanidou dhe kjo pritet të bëhet edhe tani. Megjithatë, situata e peshkopit është nën kontroll.
Lini një Përgjigje